Хаартыскалары бу сигэнэн киирэн көрүҥ
1 чааһа https://t.me/VladKorotov54/127795
2 чааһа https://t.me/VladKorotov54/127882
Сэтинньи 8 күнүгэр, Б.Ойуунускай аатынан Литэрэтиирэ түмэлигэр биһиги хос эһэбит Андрей Гаврильевич Местников (1883-1948) “Бардам Баабый” олоҥхотун бастакы аҥаарын Олоҥхо тыйаатырын артыыската Яна Ньургусова толордо. Кини толоруутун өссө эрдэ аймахтар мустан истибиппит, ол эрэн, бу сырыыга олоҥхону саҥалыы истэр курдук буоллум.
Яналыын урут Манчаары Баһылай аатынан саха төрүт көрүҥнэрин киинигэр бииргэ үлэлээбиппит. Онно салайааччыбыт Иннокентий Григорьев уонна мас тардыһыытын Аан дойдутааҕы федерациятын бэрэсидьиэнэ Александр Акимов көҕүлээһининэн, төрүт көрүҥмүтүн аан дойдуга таһаарарга саха култууратын, ырыатын-тойугун, хомуспут дьүрүлүн бииргэ дьүөрэлии тутан көрдөрөрбүт. Яна эмиэ биһигини кытта сылдьан, кыраныысса таһыгар сырыыларга туойан, хомуска оонньоон омуктары сөхтөрөрө.
“Бардам Баабый” олоҥхо балайда улахан кээмэйдээх — 4590 устуруокалаах, хос эһээбит кинигэтигэр 136 сирэйи ылар. Маны барытын өйгө тутан, хас биирдии олоҥхоҕо кэпсэнэр дьону араас куоластарынан туойан, кэпсээн истээччилэргэ тиэрдии — сүрдээх уустук дьыала. Маны барытын Яна эҥкилэ суох толорор. Кини уһуйааччыта, учуутала Никандр Прокопьевич Тмофеевтыын сүбэлэһэн, бииргэ үлэлээн, бу олоҥхону киэҥ истиигэ ситиһиилээхтик таһаарбыттарынар барҕа махталбытын этэбит. Манна олоҥхону толору кээмэйинэн бу бастакы толоруу буоларын бэлиэтииргэ тоҕоостоох.
Сэтинньи 9 күнүгэр Ойууунскай убайбыт аатынан түмэлгэ кэлэн, олоҥхону салгыы истэргитигэр ыҥырабыт.
