Иван Ушницкий спорт суруналыыстыкатыгар эрэ буолбакка, уопсайынан суруйар эйгэҕэ биир бастыҥмыт, инникини түстээбит суолдьуппут буолар. Кини олох кыра эрдэҕиттэн күүстээхтэр, ураты дьоҕурдаах биллиилээх дьон тустарынан кырдьаҕастар кэпсииллэрин интэриэһиргээн истэрэ. Оскуолаҕа үөрэнэ сылдьан спорду, чуолаан тустууну сэҥээрэн, кэлин олох ирдэһэ сылдьан билэ сатыыр, үөрэтэр буолбута. Онтон ыла кини суруйпр идэҕэ суола саҕаламмыта, оскуоланы бүтэрэн Дьокуускай куоракка кэлэн, этэргэ дылы, ыыра кэҥээн, аҥардас спордунан эрэ муҥурдаммакка, араас хайысхаҕа суруйар буолбута. Кэлин биллэр суруйааччы, чинчийээччи буолбут Иван Николаевтыын Саха сиригэр эрэ буолбакка, бүттүүн дойду үрдүнэн биллибит “Центральное дело” диэн кинигэни суруйбуттара. Ити сылларга кини Саха Өрөспүүбүлүкэтин устуоруйатыгар киирбит XII ыҥырыылаах Үрдүкү Сэбиэт дьокутаатынан талыллыбыта, Саха сирин уопсастыбаннай олоҕор биллэр-көстөр суоллары хаалларбыта. Сонун, ааҕааччылар кэрэхсэбиллэрин ылбыт суруйууларынанкиэҥник биллибитэ, саҥалыы хайысхалаах “Эдэр саас”, “Орто дойду” хаһыаттары арыйан, айымньылаахтык үлэлээбитэ, элбэх саҥа тэрээһиннэри көҕүлээбитэ. Ол курдук, Ньургуһун күнэ олохтонуутун ситиспитэ. Дьокуускайга бөтүүктэр охсуһууларын тэрийбитэ. Өссө оҕустар харсыыларын күчүмэҕэйдээх тэрээһинин ыытар санаалааҕа.
Онтон биһиэхэ, спорка сүгүрүйээччилэргэ, кини көҥүл тустууга үгүс билиилээх, көҥүл тустуу эйгэтигэр киэҥ билсиилэрдээх, ханнык да уустук боппуруостартан иҥнэн турбат сытыы суруйуулардаах суруналыыс быһыытынан биллэрэ, кини репортажтарын, очеркаларын сэргээн ааҕарым. Онтон оруобуна үйэ чиэппэрин анаараа өттүгэр, 25 сыллааҕыта спорт суруналыыстыкатыгар кэлиэхпиттэн Уйбаанныын чугастык билсибитим, күрэхтэһиилэргэ, араас тэрээһиннэргэ көрсөн алтыһарбыт. Онно спорду таһынан, кини ордук чараас эйгэ бэрэстэбиитэллэрин, уһулуччу дьоҕурдаах дьон туһунан сэргэхсийэн туран, сороҕор омуннаан-төлөннөөн кэпсиирэ. Биир дойдулаахтара Чэриктэй Биэрэтин-Вера Михайловна Рожина, Бороҕон оҕонньор-Гурий Иванович Турантаев тустарынан итийэн-кутуйан сэһэргиирэ. Уопсайынан, Уйбаан кинигэлэригэр ити эйгэни ахтара, туспа бэлиэтиирэ.
Кини бэйэтин аатынан ааттаммыт таптыыр сиэнэ Ваня 17-с оскуолаҕа мин кэргэним Надежда Афанасьевна кылааһыгар үөрэммитэ. Уйбаан көрүстэхпитинэ наар Баанньата эһэтин батан кинигэ тута сылдьарын, устуоруйа үөрэҕэр киирбитин киэн тутта кэпсиирэ.
Кэнники сылларга хараҕынан улаханнык моһуогуран, элбэхтэ Уфаҕа баран эмтэммитэ, доруобуйатыгар онто сабыдыаллаабыта…
Доҕорбут Иван Петрович, быдан дьылларга быраһаай… суруйууларыҥ, кинигэлэриҥ Эн олорбут олоҕуҥ, үгүс хайысхалаах үлэҥ туһунан үтүө өйдөбүл буолан, өрүү саната сылдьыахтара…
Владислав КОРОТОВ.
Ушницкий Иван Петрович – спортивный журналист.
Журналист, редактор газет, публицист, прозаик, общественный деятель.
Окончил историко-филологический факультет Якутского государственного университета и журналистские курсы Международного института молодежи в Москве.
Родился 5 мая 1961 г. в с. Дюпся Устъ-Алданского района Якутской АССР.
Работал корреспондентом и заведующим отделом республиканской молодежной газеты «Эдэр коммунист».
Основатель приложения журнала «Илин» («Восток») — газеты «Саха санаата» («Голос Якутии»).
Основатель и первый редактор газет «Эдэр саас (Молодость)» (1993) и «Орто дойду сонуннара (Новости срединного мира)» (2001-2008), “Орто Дойду” (2009-2012).
С 2014 года – редактор газеты «Киин куорат».
Автор книг «Центральное дело» (вметсе с Иваном Николаевым), «Ойууттар, удаҕаттар», «Оо, Сахаачча, Сахаачча…» и нескольких других.
Депутат Верховного совета ЯАССР XII созыва (1990-1993).
Член Союза журналистов РФ.
Член Союза писателей РФ и PC(Я).
Заслуженный работник культуры PC (Я).
Лауреат Государственной премии РС(Я) в области журналистики им. В. В. Никифорова-Күлүмнүүр.
Отличник печати РС(Я). Отличник молодежной политики РС(Я).
Лауреат Международного открытого конкурса «Масс-медиа» (1995).
Лауреат премии Комсомола Якутии.
Лауреат премий Союза журналистов РС(Я) «Золотое перо», “Лучший спортивный журналист” имени Вячеслава Степанова
Награжден почетными знаками Союза журналистов России «Честь. Достоинство. Профессионализм» и Союза журналистов РС(Я) «За вклад в журналистику», юбилейными знаками и медалями РС(Я).
Почетный гражданин Дюпсюнского (Усть-Алданский) и Хатырыкского (Намский улус) наслегов.
Ушёл из жизни после тяжелой болезни 10 января 2026 г.