Бүгүн, кулун тутар 16 күнүгэр, атаспыт-доҕорбут, бүттүүн Арассыыйа суруналыыстарын Сойууһун чилиэнэ, Дьааҥы успуордун уҕараабат сонуннаах сырдатааччыта, улахан кэллиэксийэһит Платон Егорович Эверстов 65 сааһын томточчу туолбутунан доҕотторун, биир идэлээхтэрин, биир “ыарыылдаахтарын” ааттарыттан истиҥник эҕэрдэлиибит!
Былатыан Дьааҥы Табалааҕар үөскээбитэ, билиҥҥэ дылы онно олорор, Дьөһөгөй оҕолорун иитиинэн, булдунан-балыгынан дьарыктанар. Ол быыһыгар олоҕун сүрүн чопчута буолбут успуорду эккирэтэн, Дьокуускайга кэлэн кыстыыр, Илин Эҥэринэн, киин улуустарынан, сороҕор өссө арҕаа Бүлүү бөлөөххө тиийэ ыраата тэлэһийэн туох баар улахан күрэхтэһиилэри сэргэҕэлии көрөр, хаартыскаҕа хатыыр, күрэхтэр түмүктэрин куйаар ситиминэн аан дойдуга тарҕатар.
Эдэр оҕо сааһыттан успуорт туһунан хаһыаттартан кырыйан, анал тэтэрээттэргэ хомуйар. Кэнники 40 сыл устата бэйэтэ оройуонун хаһыатыгар суруйар. Сүүрбэччэ сыл устата бэйэтэ хомуйбут матырыйаалларынан «Улууспутугар мас тардыһыыта сайдан эрэр» (2004), «Улууспутугар саха төрүт күрэхтэрэ» (2006), «Вольная борьба в Верхоянье. 1967-2009» (2009) диэн тэттик кинигэлэри бэйэтин үбүгэр бэчээттэтэн таһаарда, 2007 сылтан улуус көмөтүнэн биир дойдулаахтарын успуорка ситиһиилэрин сырдатар «Панорама спортивного года» диэн брошюраны таһаара сылдьыбыта. Билигин куйаар эйгэтигэр хас да бөлөххө Дьааҥы чулуулара Саха сирин, Арассыыйа, аан дойду түһүлгэлэригэр кытыыларын түмэн тарҕатар, эмиэ дьоҕус хомуурунньуктары бэчээттээн таһаар ар.
Былатыан, өссө да үтүмэн үлэҕинэн дьоҥҥун-сэргэҕин үөрдэ тур! Чөл туруктаах буоларга кыһалын, кэмиттэн кэмигэр доруобуйаҕын кэтээн көрөргүн умнума.
Бары үтүөнү баҕара хааллыбыт атастарыҥ-доҕотторуҥ
Айтаана Аммосова, Ньургуйаана Егорова, Сайыына Шеломова, Владислав уонна Надежда Коротовтар, Александр Посельскай, Михаил Мордовской, Дмитрий Егоров-Амид, Игорь Платонов, Петр Павлов, Василий Посельскай, Степан Посельскай, Эрхаан Константинов, Федор Рахлеев, Валентин Ноговицын, Михаил Ноговицын.