Саҥа 2021 сыллааҕы кэнсиэр

Тохсунньу 5 күнүгэр Кулаковскай аатынан кииҥҥэ Саҥа дьыллааҕы кэнсиэр буолла. Өр кэмҥэ сөбүлүүр ырыаһыттарын истибэтэх, сахалыы ырыа эйгэтин ахтыбыт дьон мустубут. Саалаҕа миэстэлэр көтө-көтө хааччахтаммыттар, онон ирдэбил тутулуһаллар. Дьон бары мааскалаах, умнан кэлбиттэргэ киин администрацията биэрдэ.

Артыыстарбыт көрөөччүлэрин кытта өр буолан баран көрсөллөрүттэн сүргэлэрэ көтөҕүллүбүтэ сүрдээх, үөрэ-көтө ыллаабыттарын бары астына, уҕараабат ытыс тыаһынан доҕуһуоллаан эҕэрдэлээтибит.

Биһиги ордук сэргээн, уһун кэмҥэ истибэккэ-көрбөккө сылдьыбыт таптыыр ырыаһыппытын Сиэйэ Уолун уруйдуу көрүстүбүт. Кини нарын иэйиилээх ырыаларын эмиэ астына-долгуйа иһиттибит. Виктор бэйэтэ да сценатын, көрөөччүлэрин олус ахтыбыта дьонугар-сэргэтигэр уйадыйа махтанарыгар, дуоһуйа ыллыырыгар өтө көстөр. 

Хаартыскалары бу сигэнэн киирэн көрөҕүт:

https://youtu.be/1NWYV1xw1uo

Видео бу сигэнэн көстөр:

https://youtu.be/jAhj5voA9Gk

Владислав КОРОТОВ хаартыскаҕа түһэриитэ
уонна видеоҕа устуута.

Поделиться: