Бүгүн табаарыһым Василий Трифонович Данилов кинигэтин дьэ ылан, ааҕа сылдьабын. Баһылай биир дойдулааҕым – Сунтаар Дьаархана, биир идэлээхпит – француз тылын учууталларабыт, иккиэн өр кэм оҕону иитиигэ-үөрэтиигэ үлэлээн баран, атын – саҥа эйгэҕэ көспүт дьоммут. Иккиэн уопсастыбаннай үлэнэн дьарыктанабыт – Саха конгреһыгар тустаах салаалары салайабыт.
Ааспыт сылга Баһылай Саха Республикатыгар бэйэтэ таптаан дьарыктанар остуолун тенниһин кэннини сүүрбэттэн тахса сыллааҕы сайдыытын туһунан бэчээккэ тахсыбыт матырыйааллартан хомуйбут бастакы кинигэтин бэчээккэ бэлэмнээн таһаарбыта.
Онтон бу күннэргэ булт туһунан лоскуй кэпсээннэрдээх» Арай биирдэ…» диэн киһи эрэ ааҕа олоруох курдук хомоҕой тылынан, уу сахалыы бэйэтэ суруйбут 174 страницалаах, өҥнөөх хаартыскалардаах иккис авторскай кинигэтин таһаарда.
Кинигэҕэ ааптар бэйэтин тус олоҕор: айылҕаҕа, сиргэ-уокка, булка-алка буолуталаабыт түгэннэртэн сүүмэрдээн 21 кэпсээни киллэрбит. Манна араас моһоллор, мүччүргэннээх сырыылар, көрүдьүөс эбэтэр Байанайтан соһуччу бэлэхтэрдээх да түгэннэр кэпсэнэллэр. Кинигэни ааҕа олорон булт абылаҥнаах эйгэтигэр төбөҕүнэн умсаҕын.
Сыаната 400 солк. 8-914-228-08-99 телефоҥҥа онлайн, о.э. уу харчынан төлөһүөххүтүн сөп.
Атыылаһарга тиэтэйиҥ! Ааҕыҥ, кэрэхсээҥ!
Владислав КОРОТОВ.
Бүгүн, 2020 сыл, сэтинньи 22 күнүгэр, Василий Трифоновичтьан маннык биллэрии туттум:
Булчуттар, балыксыттар, айылҕаны таптааччылар, сахалыы кэрчик кэпсээннэри сөбүлээн ааҕар дьон болҕомтолоругар. Күндү доҕоттор!
Мин » Арай биирдэ» диэн булт туһунан кинигэм 1- кы тираһа/100 экз./ итии бэрэскии курдук бүппүтэ: аҥаарын курдугу аймахтарбар, атастарбар- доҕотторбор бэлэхтээбитим, аҥаарын курдуга атыыга барбыта. Бүгүн кинигэм 2- с тираһын/100 экз./ эбии бэчээттэтэн илиибэр туттум. Бэйэм санаабар, кинигэм силигэ ситтэ, күһүҥҥү эмис идэһэ курдук » уойда — тотто», харахха биллэр гына халыҥаата. Тоҕо диэтэххэ, урут кинигэбэр 21 кэпсээн киирбит буолл. билигин 25 кэпсээн буолла, урут 176 стр. буолл. билигин 200 стр.буолла, элбэх өҥнөөх хаартыскалардаах. Эбии 4 кэпсээн киирдэ. Эн билэр киһигэр, аймаххар, атаскар- доҕоргор төрөөбүт күнүнэн, о.э.атын да кэрэ- бэлиэ түгэнинэн бу кинигэнэн бэртээхэй бэлэҕи оҥоруоххун сөп. Сыаната уруккаттан уларыйбата, 1 экз. 400 солк. Эн ити суумаҕа маҕаһыынтан туох да дьоһуннааҕы кыайан ылбаккын, уу харчынан уунар буолл.хайдах эрэ татым курдук буолуо. Оттон КИНИГЭ диэн БАРАММАТ БАРҔА БААЙ! Суруллубуту сууйбаккын даҕаны, суорбаккын даҕаны. Онон атыылаһарага тиэтэй! Төлөбүрүн бу нүөмэргэ он- лайн /8914-228-0899/, о.э. уу харчынан киллэриэххитин сөп. Билэр дьоҥҥор салгыы биллэрэриҥ биһирэнэр.
Ааптар: Данилов Василий, Дьокуускай к.
Оставить комментарий